Štefa - Štefica & Mica - Micika

Štefa - Štefica je brže bole obula svoje čižme i hitila štrikanec na pleča. Još z obloka je spazila sosedu Micu, a to kaj ji je mela za reči vu ji je jako gorelo.

Štefa - Štefica: Soseda Mica! Soseda Micaaa!

Mica - Micika: No kaje, Štefa, kaje?!

Štefa - Štefica uzrujano dva put mahne z rukom nek njezina pajdašica prejde prek ceste, al baš kak za inat, prolazilo je jeno deset auti. V Štefici je svake sekunde se bole i bole gorelo.

Konačno su se auti zredali i Mica - Micika je uspela prebežati prek ceste.

Štefa - Štefica: Čuj…pak nije mene briga, ali pak si čula kaj se dogodilo z onom malom Hranićevom?! Znoš kak je ta mala navek bila jako živa!

Mica - Micika: (uzrujano) No kaje!? Pak reči!!!

Štefa - Štefica: Joj pa somomu vragu je pala z torbe, nit je ne čudo kaje tak prešla...

Mica - Micika: No pak boš povedala več jempot?!

Štefa – Štefica: (s nebeskom srečom na licu) Aaaaaaa, kaj da ti velim, lepo se je sredila.. (potiho) Pak trudna je ostala.

Mica - Micika: (veselo) Jooooj pak nej reči! Pak s kem?

Štefa - Štefica: Čuj, kaj je najgorše, ne zna se. Neče kao mala povedati! Ali ja ti bum rekla sam jedno: niti soma ne zna!

Mica - Micika: (skupi obrve i zamisli se) Ma zna ti sigurno, al tje valjda kakvi ožejeni u pitanju!

Štefa - Štefica: Misliš da bi tak bilo?!

Mica - Micika: A kaj bi drugo moglo biti? Da je kakvi pošteni dečko, več bi se to bilo znalo. Ali, znoš, navek se držala malo bolja, niti jen domoči dečko joj ni bil po volji.

Štefa - Štefica: Hahah, kaj budu ipak ve njeni spametni starci rekli?

Mica - Micika: Je, i kak budu se z te sramote zvlekli?! Pak je to ne sam tak, fačuka meti!

Mica – Micika i Štefa – Štefica imaju minutu šutnje nad sudbinom male Hranićke. Z njihova „zabrinuta“ lica, nije se mogel meknuti lagani (pod)smijeh.

Štefa - Štefica: Ah, kak sam i rekla, pak neje mene briga, imam ja dosta svojega posla i svojih problemov. Ah…a kak sam tek jako betežna! Čuj, se me boli kaj me se drži, v jutro se niti stati nebrem!

Mica - Micika: A tek ja! Em me se boli, em po noči ne spim. Sam razmišljam i premišljavam, puno put si i krunicu zemem i molim za se za koga treba! Al bol sam nikak da prejde i ja nikak da zaspim.

Štefa - Štefica: Je, pak treba k doktoru iti, po upotnicu, i dale zbavljati.

Mica - Micika: Nema mene ko pelati vu Varaždin! Ja svoje nečem opterečivati pak unda sam trpim, a kaj bum drugo. Pijem puno tableti koje mi negda pomoreju, a negda ne.

Štefa - Štefica: Noo, a kulko ti piješ tableti?

Mica - Micika: Joooj pak niti ne znam, od jutra do večera ih pijem.

Štefa – Štefica: Ja i po noči pijem!

Mica - Micika: Je?! A za kaj? Nesu ti se tablete iste, moreš ti i više tableti piti, al su sigurno ne tak jake kak moje.

Štefa - Štefica: Je, moreš ti jake tablete piti kad ih imaš š čega kupiti!

Mica - Micika: JA?!? Pa kak to misliš? Pa znoš kak mi je penzija mala!

Štefa - Štefica: Jeee, tebi je mala, al tvojemu Tonču je bormeš ne mala. Kaj ti misliš kak si je lepo penziju z železnicom zaslužil! A otpremninu kak velku je dobil?!

Mica - Micika: Pa kaj gluposti prepovedaš! A kolko sam tvoj zet služi? To niš neš rekla? A babici kaj zemete penziju saki mesec? Čuj…meni je žena se rekla.

Štefa – Štefica: Ma ta stora veštica lažljiva! A tvoja čer, kaj se v opčinu uspela zrivati? Pa kaj ti misliš, do kraja života je osigurana!

Mica - Micika: Jeeee, nije ti to sam tak. Ve je dobro dok je ova vlast, a dok bu druga, ko zno…

Štefa - Štefica: Ah, morti ve budu ovi kaj duže vreme na vlasti, em su to se mladi i sposobni!

Mica - Micika i Štefa - Štefica zadovolno zaključe jutarnji razgovor.

 

P. S. Svaka slučajnost sa stvarnim osobama je namjerna.

Patricija Kefelja

Facebook komentari
Komentari ispod članaka ni na koji način nisu stavovi uredništva Varaždinskih vijesti te su za njih odgovorni isključivo čitatelji. Ističemo kako je stav redakcije da je zabranjeno vrijeđanje, govor mržnje te poticanje diskriminacije na osnovi rase, etničke pripadnosti, boje kože, spola, jezika, vjere, dobi, rodnog identiteta ili spolne orijentacije. Svi komentari za koje uredništvo procijeni da su neprikladni bit će obrisani, a njihovi autori prijavljeni nadležnim tijelima.

Varaždinske-vijesti.hr koriste kolačiće (eng. Cookies) radi pružanja što boljeg korisničkog iskustva. Ako nastavite koristiti ovu web stranicu prihvaćate korištenje kolačića.