Od ve do ve

V Zagrebu bleščeče reklame, sê je in i cool,

saki se sam spomina, kriči shit, frfla, piši ga vrit …

I tak to po cajtu, virtualne živimo, ne!

 

Na Jelačič placu nuove fasade – strajnske reklame,

ban na kojnu, pod repem se Zagrepčani ladiju,

dotepenci smačeju rouke v zdencu:

''zagrabi, zagrabi'' kričiju, grabile se totu i jošče se grabi.

 

Na Dolcu Zagorka po placu gledi ozgora …

Kumica se s košaru otpravila dole spram doma,

slabe se domače trži, totu se denes strajnske preprodaje.

 

I po zime i po letu Opatovina sâ vu cvietju,

zmet flancu Petrica f tamburu vudira, galge potpira,

nameste kravatlina štrik su mu okuol vrata zavezali …

 

Gore pak na briegu Matijaša krunili jesu,

ostal je znamen – kamen …

Toudek se po noči špancieraju i ščiju pesi i mački,

po danu se sprehajaju politički funkcijonari i pijeju šebesu.

 

A v nedelu i na svetke – garda.

Štolc dečki vu mandura: trata rata, trata rata …

''Zagreb je jedini grad u Hrvatskoj gdje hrvatstvo kompromitira Hrvata''

I tak to, kaj ne !

Imamo i regule i paragrafe i demokraciju, smo Eur-opa!

''Tak smo šteli – kak smo šteli,

pak smo dobili – kaj smo dobili,

kaj smo čineči – a kaj bi sad radi?!

Bou Buog dal'', tak si želi ma majka Dora (i ja takaj).

''Če nas ne bou prie vrag zel'', mrgla Bara.

H virtualnem svietu sê se more leke zgoditi, ne ?!

Kaj je tu je, a je!

Vera Grgac

Facebook komentari
Komentari ispod članaka ni na koji način nisu stavovi uredništva Varaždinskih vijesti te su za njih odgovorni isključivo čitatelji. Ističemo kako je stav redakcije da je zabranjeno vrijeđanje, govor mržnje te poticanje diskriminacije na osnovi rase, etničke pripadnosti, boje kože, spola, jezika, vjere, dobi, rodnog identiteta ili spolne orijentacije. Svi komentari za koje uredništvo procijeni da su neprikladni bit će obrisani, a njihovi autori prijavljeni nadležnim tijelima.

043 logo

Varaždinske-vijesti.hr koriste kolačiće (eng. Cookies) radi pružanja što boljeg korisničkog iskustva. Ako nastavite koristiti ovu web stranicu prihvaćate korištenje kolačića.